ఈ రోబో చేయికి మనికి ఉన్నట్లే ఐదు వేళ్లు ఉంటాయి… దీనిలో ఏంటి ప్రత్యేకత! అన్న సందేహం మీకు కలగొచ్చు.యూరోపియాన్ శాస్త్రవేత్తలు రూపొందించిన ఈ రోబో చేయి వస్తువులను గుర్తించి అటు ఇటు కదిలించగల నైపుణ్యాన్ని కలిగి ఉంటుంది. మానవుల చేయికి తీసుపోకుండా ఇది పనులను చక్కబెడుతోంది. శాస్త్రవేత్తలకు ఈ నిర్మాణం గత కొన్ని సంవత్సరాలుగా పెద్ద సవాల్‌ను విసురుతోంది. ఈ ప్రయోగం విజయవంతమైతే ఇంటి పనులన్నింటిని సులభంగా చేసేసే రోబోలు త్వరలోనే అందుబాటులోకి వస్తాయ్!. వస్తువులను గుర్తించి.. వాటిని ఎటంటే అటు కదిలించగలిగే రోబో చేతులను ఇప్పటికే పరిశ్రమల్లో వినియోగిస్తున్నారు.
ఈ రోబో చేయి పరిమాణం విషయానికొస్తే మానవుల చేతుల కంటే పెద్దవిగా ఉంటాయి. వీటికి చర్మం తొడుగు వేస్తే గుర్తుపట్టడం కష్టం. పనిచేసే మెదడు కూడా దీనికి ఉండడం ఆకర్షణీయాంశం. వాస్తవానికి ఈ ప్రయోగంలో మరింత పురోగతిని శాస్త్రవేత్తలు సాధించాల్సి ఉంది. వస్తువులను గుర్తించి.. వాటి బరువుకి తగినట్లుగా సంసిద్ధం కావడానికి వీలుగా ఈ చేయికి సెన్సార్లను కూడా శాస్త్రవేత్తలు అమర్చారు. ఇళ్లలో వ్యక్తిగత సహాయకులుగా రోబోలను నియమించుకునే దిశగా.. తాజాగా రూపొందించిన చేయి మానవుల చేయి సామర్థ్యానికి సమీపంలో ఉంటుందని.. పరిశోధకులు వెల్లడిస్తున్నారు.
No comments:
Post a Comment